Три завещания

     1. Завещание праведного Филарета Милостивого:

Весте и видесте, чада моя, житие мое, еже от юности моея препроводих, как Господь весть. От моего, а не от чуждого труда хлеб мой ядый, богатством же, еже ми даде Бог, не вознесохом, но гордыню далече отгнав, смирение возлюбих, слушая Апостола,

иже увещавает богатых в нынешнем веце не высокомудроствовати (1 Тим. 6; 17). Также в нищете пришед, не возскорбех, ниже похулих Бога, но паче с праведным Иовом благодарих Его, тако, по любви своей наказуя, наказа мя, иже видев мое благодарное терпение, паки вознесе мя от убожества, и посади мя с князи и с царем в дружестве их и сродстве. Аз же и на толикую чести высоту возшеде, всегда сердцем моим нижайшую смирения глубину прохождах, «не вознесеся сердце мое, ниже вознесостеся очи мои: ниже ходих в великих, ниже в дивных паче мене» (Пс. 130; 1). А богатства, еже ми даде царь земный, не скрых в земных сокровищницах, но послах с руками убогих к Царю Небесному. Тем же и вас, возлюбленнии мои, молю и прошу, подобии мне будите и еже видесте мя, творяща, и вы тожде творите. Аще же и большая блага сотворите, большого блаженства сподобитеся. Не щадите скоротекущего богатства, но послите е во оный мир, в оньже аз уже отхожду. Страннолюбия не забывайте, вдовиц заступайте, сирым помогайте, болящих посещайте, затворенных в темницах призирайте, собора церковнаго (церковной службы) не оставляйте, чуждая не похищайте, никого же обидите, ни злословите, не радуйтеся о бывающей другим или врагам скорби, мертвыя погребайте и от них память в святых церквах творите. Такожде и меня, недостойного, поминайте в молитвах своих, дондеже и сами к блаженному житию прейдете.

2. Завещание праведного Товита:

Чадо, аще умру, погреби мя, и да не презираеши матере твоея: чти ее во вся дни живота твоего, и твори, еже угодно ей, и да не опечалеши ея. Помяни, чадо, яко многа бедствия виде то тебе во чреве; егда она умрет, погреби при мне, во едином гробе. Вся дни, чадо, Господа Бога нашего помни, и да не похощеши согрешати и преступати заповеди его. Правду твори вся дни живота твоего и да не ходиши путем неправды; за то тебе, ему творя истину, благоспешества будут в делах твоих [как бывлет] и всем творящим правду. От имений твоих твори милостыню, да не отвращаеши лица твоего от всякого нищаго, и от тебе не отвратится лицо Божие. Как тебе будет по множеству (когда у тебя будет много), твори о них милостыню; аще мало тебе (от тебя) будет, по-малому да не боишися творити милостыню. Залог бо добр сокровищствует для тебе в день нужды. За не милостыня от смерти избавляет и не оставляет идти во тьму. Дар бо добр есть милостыня всем творящим и пред Вышним.

Внемли себе, чадо, от всякого блудодеяния. И ныне, чадо, люби братию твою и не возносися сердцем твоим паче братий твоих, зане в гордыни погибель и развращение многое, и в непотребстве умаление и убожество велико, ибо непотребство мать есть глада. Мзда всякого человека, иже аще работати будет у тебе, да не премедлит, но отдаждь ему абие. Аще послужиши Богу, воздастся тебе. Внемли тебе, чадо, во всех делах твоих, и буди наказан во всем житии твоем. И еже (сам) ненавидиши, (сего) да никому же твориши. Вина в пианство да не пиеши, и да не ходит с тобою пианство в пути твоем. От хлеба твоего даждь алчущему, и от отдеяний твоих нагим. Все еже аще преизбудет тебе, твори милостыню, и да не зазрит твое око, внегда творити ти милостыню. Совета от всякого премудрого ищи, и да не небрежеши о всяком совете полезном. И на всякое время благослови Господа Бога, и от Него проси, яко да путие твои прави будут, да благоуспеют: зане Сам Господь дает вся благая, и Егоже аще восхощет, смиряет, как хощет. И ныне, чадо, помяни заповеди моя, и да не изгладятся из сердца твоего. И не бойся, чадо, яко обнищахом: суть тебе многа, аще убоишися Бога, и уступиши от великого греха, и сотвориши еже угодно пред Ним (Тов. 4; 3-16,18-19, 21). Ты же сохрани закон и повеления, и буди любомилостив и праведен, да тебе благо будет (Тов. 14; 9). Благословен Бог, Живый во веки, и Царство Его, зане Он наказует и милует, низводит во ад и возводит, и несть, иже избежит руки Его. Яко той Господь наш и Бог, той Отец наш во вся веки. И наказовати имать нас в неправдах наших, и паки помилует. Аще обратитеся к Нему всем сердцем вашим и всей душой вашей, творити пред Ним истину, тогда обратится к вам и не скрыет лица Своего от вас. Бога моего возношу, и душа моя Царя Небесного, и возвеселится о величии Его (Тов. 13; 1-2,4, 7).

3. Завещание благоверного Великого князя Димитрия Иоанновича Донского:

Послушайте меня вси. Се, аз отхожу к Богу моему. Ты же, драгая моя княгине, буди чадом своим отец и мати, наказующи их и укрепляющи. И всем, по заповедям Господним, послушливым и покорным быти, и Бога боятися, и матерь свою чтити. Вы же, сынове мои и плод чрева моего, Бога бойтеся, поминайте Писание, чтите матерь свою, да благо вам будет. Мир и любовь имейте между собою. Аз же предаю вас Богови и матери вашей, под страхом ее всегда будите. Ожите же сию заповедь мою себе на выю, возложите словеса моя на сердца своя. Аще ли не послушаете родителей своих, то помяните Писание: «клятва отча дом чадом разрушит, воздыхание же матернее до конца искоренит». Аще же послушаете, долголетни будете на земли, и в благих пребудет душа ваша, и умножится слава дому вашего, и врази ваши падут под ногама вашима, и умножится нива ваша обилием. Приветливи будите ко всем слугам своим, но все творите с повелением матери своей. Вы же, бояре мои, истинно послужите княгине моей и чадом моим от всего сердца своего: во время радости повеселитеся с ними, во время скорби не оставите их, да скорбь ваша на радость преложится. Бог же мира да будет с вами!

(Из Четии Минеи)